Musig: PL / Lyrics: Redl

En verrägnete Samschtig am Namitag am sibni

ich chille vor de Glotz meh oder weniger eazy

45 Känal zum umenand gumpä und gumpä

und gumpä und gumpä

verzwiifelt am sueche, aber ich bin nöd fündig worde

zum Glück bini da am Reime schuscht wäri det no gschtorbe

45 Kanäl bi de helfti muess ich säge, wie bitte ?

bi mene drittel verstahni d’Wörter defür de Sinn vo de

Sändig nöd so ganz ja so ische halt drum,

landi halt lokal ufem Kanal vo Tele Züri

ich säg Sali Solarium ha ha Schawinsky grinst id’Kamera

da hani dänkt dass chann ja nur no besser cho

aber dänn isch sie cho Bo Bo

oh Patrizia oh Patrizia

sie isch so gruusig gsi sie hät mer Angscht gmacht

meh als sogar d’Susi vor allem wänn sie lacht

ich red vo Züri Date schlimmer als wänns im Juni schneit

aber doch so glatt aber doch so glatt

3 Type chömed inne alli hinderenand

schön gschminkt aber emene verlägene Grinse i de Binse

jede vo ihne hät die gliiche tolle Jeans he

und ihres Gägenüber hät scho roti Bäggli vor Ufregig

und ewig frögt Patrizia bisch uufgregt?

jetzt gillt’s Ernscht d’Charte werdet uf de Tsisch gleit

wer was wo und wie wo wänn seit

d’Frag isch die wie muess än Maa für Dich sii?

sie seit spontan, Humor muess er haa

än tolle Body aber kei Haar uf de Bruscht

und suscht ? ääh ? d’Frag a d’Kandidate

Mir händ abgmacht du häsch mich versetzt

ä halbschtund spöter chummsch total ghetzt

ich bin hässig und tüüf verletzt

und jetzt wie dusch de Abig no rette

Achtung jetzt chonnt er detä

Also ich würd Dich zerscht zum z’Nacht iilade

dänn würdemer villicht go tanze gaa

und dä Rescht isch eusere Phantasie überlaa

Aha Applaus Applaus sin Name isch Klaus

im Hindergrund drängt sich en Cocktail Tom Cruise

Verschnitt is Bild er schüttled Bäächer wie wild

und jongliert wie zwei, nach de Sändig gaht er hei

und säit zu siim Mami: "Häsch gseh, ich bin im Fernseh, he"

OK es gaht so wiiter, und hört nüme uff

anenandergreihti Peinlichkeite, huff -ä-

wiis und egal was sie für an Schiisdräck frögt

chasch Gift druff neh de ander seit de grösser

Seich. Bireweich, oder weicher als Banane?

Dänn schriibeds no so gross uff ihri Fahne

100 prozäntigi Zuschauerzuewachsrate

Dass ich nöd lach döffsch 3 mal raate

warum wohl all die Lüüt sich Züri Date ineziehnd

mit ungewolltem Humor bisch det guet bedient.

Extra uufghört nörgele für’s grande Finale

pass uuf s’isch so luschtig wirsches nüme gseh

mit em wahnsinnige Augeuufschlag tuusig mal probiert

aber es hät nüt gnützt ganz entzückt frögt Frau Boser jetzt

mit wem gasch go ässe und is Sixty-One go shake

das heterä jetzt nöd geh, sie nimmt voll dä Paul

im Hindergrund scho wieder dä Bärman und Paul Abdaul

wow er isch so happy er hät jetzt sini Traumfrau

er isch genau so spontan, toll und humorvoll